> ## Content Index
> Fetch the complete content index at: https://im.kg/llms.txt
> Use this file to discover other available public pages before exploring further.

# Жыл башынан бери Эмгек министрлигинин бош орун жарманкелерине 19 миңден ашык адам катышты
- URL: https://im.kg/koom/2023/07/31/zhyl-bashynan-bieri-emghiek-ministrlighinin-bosh-orun-zharmankielierinie-19-mindien-ashyk-adam-katyshty/
- Published: 2023-07-31T05:03:35.000Z
- Updated: 2023-07-31T05:03:34.000Z
- Author: Сапар Акунбеков
- Tags: Коом, #Import 2025-07-22 12:57

**Эмгек, социалдык камсыздоо жана миграция министрлигинин маалыматы боюнча, жыл башынан бери ишке орноштуруу кызматтары тарабынан республикалардын бардык облустарында жана шаарларында жаштар жана жумушсуз жарандар үчүн бош орундардын жарманкелери уюштурулган. Жарманкелерге 19 миңден ашык адам катышты. Бул тууралуу министрлик билдирди.**

1 миңден ашык иш берүүчү 25 миңге жакын бош орундарды тапшырды. Иш-чаранын жүрүшүндө ишке орноштуруу кызматтары тарабынан ишке орноштуруу жана кесипке үйрөтүү боюнча консультациялар уюштурулуп, мектеп окуучулары үчүн кесипке багыт берүү боюнча тесттер уюштурулуп, алардын кайсыл тармакта кесипти тандоо керектигин жакшыраак түшүнүүсүнө шарт түзүлдү.

Бош орундардын жарманкесинин ар бир алтынчы катышуучусу жумушка орношту же жумушка орношуу үчүн жолдомо алды.

Эмгек, социалдык коргоо жана миграция министрлигинин маалыматы боюнча, жыл башынан бери жумушсуздардын жалпы саны өткөн жылдын ушул мезгилине салыштырмалуу 5%га азайган.