> ## Content Index
> Fetch the complete content index at: https://im.kg/llms.txt
> Use this file to discover other available public pages before exploring further.

# Бишкекте келерки жылы 34 мектеп курулат
- URL: https://im.kg/kyimylsyz-mulk/2025/12/23/bishkiektie-kielierki-zhyly-34-miektiep-kurulat/
- Published: 2025-12-23T08:23:32.000Z
- Updated: 2025-12-23T08:23:32.000Z
- Author: Ишкер Media
- Tags: Кыймылсыз мүлк, Саясат

**МинКаб төрагасы Адылбек Касымалиев Жогорку Кеңештин жыйынында кийинки жылы өкмөт Бишкек шаарында 20 мектеп курарын жана Сауд өнүктүрүү фондунун эсебинен дагы 14 орто мектептин имараты салынарын билдирди.** 

Жаңы мектептер көбүнчө Бишкектин тегерек четиндеги жаңы конуштарда курулары айтылды. Касымалиев андан тышкары келерки жылы аймактардагы авариялык абалдагы мектептердин ордуна жаңысын куруу жана курулуп келаткан имараттарды толук аяктоо пландаштырылып жатканын кошумчалады.

Кыргызстандын ири шаарларында, өзгөчө борбор калаа Бишкекте мамлекеттик мектептердин жетишсиздиги көп көтөрүлүп келген маселелердин бири. Ата-энелер бир класста 50-60 бала окуп жатканын, айрым билим уясында окуучулар батпагандыктан үч нөөмөткө бөлүнүп окууга аргасыз экенин айтып келишет.

> Расмий маалыматка ылайык, Кыргызстанда 2 миң 394 мектеп бар, анын 2 миң 170и мамлекеттик, калганы менчик. Аларда 1,5 миллиондон ашуун окуучу билим алат.