> ## Content Index
> Fetch the complete content index at: https://im.kg/llms.txt
> Use this file to discover other available public pages before exploring further.

# "Ош сити" долбооруна кытайлык инвесторлор 200 млн доллар инвестиция салган
- URL: https://im.kg/kyimylsyz-mulk/2025/12/25/osh-siti-dolbooruna-kytailyk-inviestorlor-200-mln-dollar-inviestitsiia-salghan/
- Published: 2025-12-25T12:36:20.000Z
- Updated: 2025-12-25T12:36:19.000Z
- Author: Ишкер Media
- Tags: Кыймылсыз мүлк, Саясат

**Ош шаарына чет элдик инвесторлор чоң ишеним көрсөтүп, ири инвестициялар тартылып жатканын Ош шаарынын мэри Жеңишбек Токторбаев “Кабар” агенттигине берген маегинде билдирди.**

Анын айтымында, 2026-жылы калаада бир катар ири инвестициялык долбоорлор ишке ашат.

“Кийинки жылдын жаз айында кытайлык инвесторлор таштандыларды кайра иштетүүчү заманбап завод куруу иштерин баштайт. Бул экологиялык абалды жакшыртууга чоң салым болот. Мындан тышкары Ош шаарындагы “Т” деген аймактан баштап, Ак-Буура дарыясына чейин эстакадалык көпүрөлөр курулат.

Ошондой эле саркынды сууларды тазалоочу жаңы курулмалар да пландалып жатат. Бул долбоор үчүн кытайлык “Кунлун” компаниясы болжол менен 30 миллион доллар инвестиция салып жатат. “Ош сити” долбооруна дагы Кытайдан келген инвесторлор тарабынан 200 миллион доллар инвестиция тартылган”,- деп белгиледи калаа башчы.