> ## Content Index
> Fetch the complete content index at: https://im.kg/llms.txt
> Use this file to discover other available public pages before exploring further.

# Январь–февраль айларында Кыргызстанда курулуш продукциясынын көлөмү 23,2%га өстү
- URL: https://im.kg/kyimylsyz-mulk/2026/04/01/ianvar-fievral-ailarynda-kyrghyzstanda-kurulush-produktsiiasynyn-kolomu-23-2-gha-ostu/
- Published: 2026-04-01T03:14:43.000Z
- Updated: 2026-04-01T03:14:42.000Z
- Author: Мелис Совет уулу
- Tags: Кыймылсыз мүлк, Экономика

**2026-жылдын январь–февраль айларында Кыргызстанда курулуш тармагынын жалпы дүң продукциясынын көлөмү 18 млрд 26 млн сомду түзүп, 2025-жылдын ушул эле мезгилине салыштырмалуу 23,2%га өскөнү статистикалык маалыматтарда айтылат.**

Февраль айынын жыйынтыгы боюнча курулуш продукциясынын көлөмү 12 млрд 383,3 млн сомду түздү. Бул өткөн жылдын февраль айына караганда 22,1%га көп.

2026-жылдын январь–февраль айларында негизги капиталга инвестициялардын көлөмү салыштырма бааларда 8,4%га өсүп, 17 млрд 851,2 млн сомду түздү.

Февраль айында гана негизги капиталга инвестициялардын көлөмү 11 млрд 825,8 млн сомго жетип, 2025-жылдын февраль айына салыштырмалуу 4,1%га өстү.

Маалыматка ылайык, өткөн жылдын тиешелүү мезгилине салыштырмалуу негизги капиталга инвестициялар:

- январь айында — 17,9%га,
- февраль айында — 4,1%га,
- эки айдын жыйынтыгында — 8,4%га өскөн.

2025-жылдын январь–февраль айларына салыштырмалуу ички булактардан каржыланган инвестициялардын көлөмү 11,5%га көбөйгөн. Анын ичинде:

- банк кредиттеринин эсебинен — 1,7 эсеге,
- республикалык бюджеттин эсебинен — 1,3 эсеге,
- калктын каражаттары жана Кыргызстан резиденттеринин кайрымдуулук жардамы — 12,9%га,
- ишканалардын жана уюмдардын каражаттары — 4,3%га өскөн.

Ошол эле учурда жергиликтүү бюджеттин эсебинен каржыланган инвестициялардын көлөмү 22,7%га кыскарган.

Тышкы булактардан каржыланган инвестициялардын көлөмү 26,3%га азайган. Бул негизинен чет өлкөлүк кредиттердин көлөмү 4,4 эсеге кыскарганына байланыштуу болгон. Ошол эле учурда:

- түз чет өлкөлүк инвестициялар — 1,5 эсеге өскөн,
- чет өлкөлүк гранттар жана гуманитардык жардам — 2,6 эсеге көбөйгөн.