> ## Content Index
> Fetch the complete content index at: https://im.kg/llms.txt
> Use this file to discover other available public pages before exploring further.

# Киев көчөсү жөө адамдар менен трамвай жүрө турган жол болот
- URL: https://im.kg/transport/2025/12/25/kiiev-kochosu-zhoo-adamdar-mienien-tramvai-zhuro-turghan-zhol-bolot/
- Published: 2025-12-25T09:54:27.000Z
- Updated: 2025-12-25T09:54:27.000Z
- Author: Ишкер Media
- Tags: Транспорт, Коом

**Бишкек шаарынын башкы планынын долбоорун коомдук талкуулоонун алкагында Киев көчөсү 2026–2027-жылдары жөө жүргүнчүлөр үчүн, ошондой эле коомдук транспорт жүрө турган көчөгө айландырыларын борбор калаанын вице-мэри Азамат Кадыров билдирди.**

Анын айтымында, долбоорду ишке ашыруу 2026–2027-жылдарга пландалган жана каржылоо каралган. Алгачкы этапта Киев көчөсүндө электробустарды ишке киргизүү пландалып жатат.

![](https://storage.ghost.io/c/64/0f/640fd1f7-7b7a-4402-b729-688b0de60d32/content/images/2025/12/1061544560_813-507-2468-1438_1920x0_80_0_0_9fa9b7e2fe31e805542d7400b29624f9-1.jpg)

Жаңы башкы план долбооруна ылайык, келечекте Киев көчөсүндө трамвай линияларын уюштуруу каралууда. Мэрия эске салгандай, Фрунзе шаарынын башкы планында жана 2006-жылдагы Бишкек шаарынын башкы планында бул көчө буга чейин эле транспорттук-жөө жүргүнчүлөр көчөсү катары белгиленген.

Шаар бийлиги белгилегендей, Киев көчөсүн өзгөртүү коомдук транспортту өнүктүрүүгө, унаалардын жүгүн азайтууга жана борбор калаанын борбордук бөлүгүндөгү шаардык чөйрөнү жакшыртууга багытталган.