Кыргызстан менен Кытай жүктөрдү автоунаа менен ташууга 60 миң квотага кол коюшту
![Кыргызстан менен Кытай жүктөрдү автоунаа менен ташууга 60 миң квотага кол коюшту](/content/images/size/w1200/2023/08/dostavka-sbornih-hruzov.webp)
Кыргызстан Кытай менен 2024-жылга чейин 60 миң даана өлчөмүндөгү жүктөрдү автотранспорт менен ташууга уруксат квотасын бекитүүнү макулдашты. Бул тууралуу КР Транспорт министрлиги билдирди.
Чолпон-Ата шаарында КР Транспорт жана коммуникациялар министрлиги менен Кытайдын Синьцзян-Уйгур автономиялык районунун транспорт департаментинин өкүлдөрүнүн кезектеги жолугушуусунда, үстүбүздөгү жылы автоунаа менен жүк ташууга кошумча 20 миң уруксат берүү боюнча макулдашуу болду.
"Кол коюлган протоколдун алкагында, 2024-жылга автотранспорттук жүктөрдү ташууга уруксат берүү квотасы 60 миң даана өлчөмүндө белгиленди", - дейт мекеме.
Маалым болгондой, эки өлкөнүн автотранспорттук делегацияларынын кезектеги жолугушуусунун алкагында, Кыргызстандын "Кара-Булак" логистикалык компаниясы менен Кытайдын "Кашкар Чжунчэн" эл аралык экспедициялык компаниясынын ортосунда да кызматташуу боюнча меморандумга кол коюлду.
![](https://im.kg/content/images/2023/08/7d9c6331-92a6-4693-8e4f-036b683b578b.jpg)
![](https://im.kg/content/images/2023/08/253de2cf-080c-43f6-865a-81d15ed63f5c.jpg)
![](https://im.kg/content/images/2023/08/acb13590-aa23-4cab-ae17-400c88747896.jpg)