Э-рейддин жыйынтыгы боюнча электрондук актыларды жөнөтө башталды

Э-рейддин жыйынтыгы боюнча электрондук актыларды жөнөтө башталды

Салык кызматы жүргүзүлгөн контролдук-рейддик иш-чаралардын жыйынтыгы боюнча таризделген электрондук актыларды салык төлөөчүлөргө жөнөтө баштады. Бул тууралуу мекеме билдирди.

Жаңы сервис салык органынын инспекторуна «электрондук рейддик салык контролу» (Э-Рейд) системасынын жардамы менен автоматтык түрдө рейддик салык контролунун, контролдук сатып алуунун же салык постунун жыйынтыгы боюнча акт түзүүгө жана аны Cabinet.salyk.kg. сайтындагы «жеке салык кабинети» аркылуу бардык тиркемелер менен салык төлөөчүгө жөнөтүүгө мүмкүндүк берет.

Текшерүүчү инспекторлор тарабынан мурда толтурулган актыларга өзгөртүүлөрдү киргизүү же жок кылуу мүмкүнчүлүгүнүн жоктугу жаңылануунун негизги артыкчылыктарынын бири болуп эсептелет.

Бул кызматтын ишке ашырылышы документтерди иштеп чыгууга кеткен убакытты жана чыгымдарды олуттуу кыскартууга, салык инспекторлорунун ишинин натыйжалуулугун жогорулатууга жана контролдук-рейддик иш-чараларындагы процесстердин ачыктыгын камсыздоого, ошондой эле салык төлөөчүлөр менен өз ара аракеттенүүнү жакшыртууга өбөлгө түзөт.

Салык төлөөчүлөр таризделген акты менен Cabinet.salyk.kg сайтындагы өзүнүн «жеке кабинетиндеги» «МСК менен кат алышуу» модулунундагы «салык контролу» бөлүмүнө кирүү аркылуу тааныша алышат.

Эскерте кетсек, Салык кызматы 2022-жылы «электрондук рейддик салык контролу» системасын ишке киргизген. Бул борборлоштурулган жабык автоматташтырылган система, анда контролдук-рейддик иш-чараларды жүргүзүүдө зарыл болгон маалыматтар базасы жайгаштырылган. Системада бардык жүргүзүлгөн рейддик контроль жана тобокелдиктер жөнүндө маалыматтар сакталат, алардын негизинде рейддик текшерүүгө жаткан субъекттерди текшерүү жөнүндө чечим кабыл алынат.

Э-рейдди колдонуу салыктык текшерүүлөрдү жүргүзүүдө адам факторлорун кыйла азайтат.

Read more

«Альянс Алтын» май айында бюджетке рекорддук суммадагы салык төлөдү

«Альянс Алтын» май айында бюджетке рекорддук суммадагы салык төлөдү

2015-жылдан 2024-жылдын май айына чейин «Альянс Алтын» компаниясы Кыргызстандын бюджетине 18.6 млрд сом салык төлөдү. Алардын ичинен 2024-жылдын май айында 927.4 млн сом төлөнүп, бул акыркы үч жыл ичиндеги айларга салыштырмалуу эң чоң салык төлөмү болду. Мындан тышкары, 2021-жылдын апрелинен 2024-жылдын май айына чейин компания «Жергиликтүү маанидеги инфраструктураны

«Алтын тамга» артыкчылык аттестат ээлерине «Альянс Алтын» ноутбук тапшырды

«Алтын тамга» артыкчылык аттестат ээлерине «Альянс Алтын» ноутбук тапшырды

«Альянс Алтын», 30-майда президенттин Талас облусундагы ыйгарым укуктуу өкүлчүлүгүндө 2023-2024-окуу жылынын жыйынтыгы менен облус аймагында «Алтын тамга» артыкчылык аттестаттына ээ болгон окуучулар сыйлоо аземи болуп өттү. Бул тууралуу «Альянс Алтын» ишканасынын маалымат кызматы билдирди. Такталгандай, президенттин Талас облусундагы ыйгарым укуктуу өкүлү Нурлан Дарданов, «Альянс Алтын» өнүктүрүү фондунун жетекчиси Баатыр Качкынбаевдин

РКӨФ жана «Альянс Алтын» биргеликте Таластагы долбоорлорду каржылайт

РКӨФ жана «Альянс Алтын» биргеликте Таластагы долбоорлорду каржылайт

Россия-Кыргыз өнүгүү фонду «Альянс Алтын» компаниясы жана ушул эле аталыштагы өнүктүрүү фонду үч тараптуу кызматташуу келишимин түзүштү. Келишим энергиянын кайра жаралуучу булактары, айыл чарба продукциясын кайра иштетүү жана башка негизги багыттарда биргелешип иштөөгө багытталган. Бул кызматташтыктын алкагында РКӨФ жана «Альянс Алтын» өнүгүү фонду Талас облусунда тиешелүү долбоорлорду тандап, экспертизадан өткөрүп,

Шылуундарды  кантип таануу боюнча Улуттук банктын кеңештери

Шылуундарды кантип таануу боюнча Улуттук банктын кеңештери

Акыркы убакта Кыргызстанда банк тармагында алдамчылык фактылары көп катталууда. Кыргызстандыктар социалдык тармактарда, телефон аркылуу же мессенджер аркылуу алданууда. Алдамчылыктын курмандыктары акчасы уурдалгандан кийин гана билишет. Улуттук банктын керектөөчүлөрдүн укугун коргоо бөлүмү Economist.kgге каржы тармагындагы алдамчылыктын түрлөрү тууралуу айтып берди, бул жарандардын сергек болушуна жардам берет. Банк тармагында алдамчылыктын кандай