31-майда «Манас» эл аралык аэропортунда COVID-19 илдетин тез аныктоочу АMSBIO компаниясынын жаңы ПЦР-лабораториясы ишке кирди. Бул тууралуу аэропорттун маалымат кызматы билдирет.

ПЦР-тестти «Манас» аэропортунун 2-кабатында күндүзгү саат 8:00ден 18:00ге чейин тапшырсаңыз болот. 1,5-2 саатта жыйынтыкты алуу үчүн 3499 сом, эгерде 4-5 саатта алам десеңиз 2399 сом төлөйсүз.

AMSBIO лабораториясынын артыкчылыктары:

• буга чейин КМШ өлкөлөрүндө жана Кыргызстанда колдонула элек заманбап жабдуулар жана реагент колдонулгандыктан, 100% так жыйынтык берет.
• заманбап жабдуулардын аркасында ПЦР-тест ыкчам режимде аныкталат
• ПЦР-тестти «Манас» аэропортунан чет өлкөгө учуу алдында тапшыруу мүмкүндүгү. (Россия Федерациясынан башка өлкөлөргө, анткени компания азырынча «COVID-19суз саякаттайм» тиркемесинин мүчөлүгүнө кире элек).
• ПЦР-тесттин жыйынтыгы чет өлкөлөргө чыгуу үчүн жарактуу, анткени AMSBIO компаниясы КРнын Саламаттыкты сактоо министрлигинин аккредитациясынан өткөн. 

ПЦР-тесттин жыйынтыгын amsbiolab.kg сайтынан же «Манас» аэровокзалынын 1-кабатынан 3 тилде чыгарылган ырастама иретинде алууга мүмкүн.

Корей AMSBIO компаниясы Кыргызстанда лаборатория түйүндөрүн жайылтууну көздөөдө.  Бул компаниянын ПЦР лабораториялык изилдөөлөрү акыркы муундун заманбап жабдууларын колдонуу жана импорттук реагенттердин жардамы менен өткөрүлгөндүктөн, COVID-19дун бардык түрлөрүн аныктайт. АКШ, Корея, БАЭ жана башка өнүккөн өлкөлөрдө колдонулуп келет.