Президенттин жана өкмөттүн администрациясына караштуу автотранспорт бирикмеси 60 млн сомго машина сатып алууга тендер жарыялады. Бул тууралуу мамлекеттик сатып алуулар порталы билдиргенин Kaktus.media кабарлады.

Жарыяланган тендерде автоунаалар 2021-жылы чыккан, буга чейин колдонулбаган жаңы болуш керек экендиги, беш эшиктүү болуп, чоң жолдордо жана жолсуз талаа-түздө да эч кандай тоскоолдуксуз жүрүү керектиги жазылган.

Машинанын түсү сөзсүз ак болушу керек экен.

Кошумча талаптар дагы бар: унаа алынып келингенден кийин дароо айдоо үчүн техникалык кароодон өтүшү керек, анын ичинде редукторго жана моторго май толтурулган, заряддалган батареясы болуш керек, ошондой эле муздатуу системасы антифриз менен толтурулушу керек экен.