Жалпысынан Ош шаарында 34 миң салык төлөөчү катталган, анын ичинен 13.5 миңи активдүү салык төлөп келет. Бул тууралуу түштүк борбор шаарынын маалымат кызматы билдирди.

Ошто патенттин негизинде иштеген 7440 ишкер катталган.

2021-жылдын январь-июнунда жергиликтүү бюджеттин киреше бөлүгүнүн аткарылышы 105.8%ды түзүп, жеткирилген план 618.6 млн сом болсо, иш жүзүндө 654.7 млн сом жыйналган. Пландан тышкары кошумча 36.0 млн сом чогулган. Өткөн жылдын тийиштүү мезгилине салыштырганда 191.2 млн сом ашыкча жыйналып, өсүү темпи 141.2 % ды түзгөн.