KOICA (Korea International Cooperation Agency) Кыргызстандагы ПРООН жана КРнын Өзгөчө кырдаалдар министрлиги менен биргеликте, Ысык-Көл облусунда өрттөн коргоо жана куткаруу кызматтарын күчөтүү үчүн өрт өчүрүү станциясынын жаңы имаратын курат. Бул тууралуу агенттиктин маалымат кызматы билдирди.

Бул тууралуу август айынын башында Кореянын КРгы Элчиси Ли Вончже мырзанын Ысык-Көл облусуна болгон жумушчу сапарынынын алкагында Чолпон-Атадагы өрт өчүрүү станциясы менен таанышкандан кийин белгилүү болгон.

Ошондой эле ыйгарым укуктуу элчи Каракол шаарында жана анын айланасында KOICAнын «Органикалык айыл чарба жана КРнын фермерлеринин потенциалын жогорулатуу чөйрөсүндөгү саясатты ишке ашырууга колдоо көрсөтүү» долбоорунун алкагында иштеген жайларга барып, алардын ишемердиги менен таанышты.

Эскерте кетсек, жакында эле Кыргызстанда Кореянын «КОПИЯ» борбору ачылган. Аталган борбордо Кореянын агрардык тармагындагы тажрыйбалуу окумуштуу адистер эмгектенишип, Кореянын агрардык чөйрөдөгү жогорку технологиялары менен түшүмдү көп бере турган өсүмдүктөрдүн түрүн өстүрүшөт. Ошондой эле бул борбордо орто жана чакан чарба жетекчилерине алдыңкы тажрыйбалар окутула тургандыгын Кореянын КРгы элчиси элчиси Ли Вончже белгиледи.