Президент Садыр Жапаров «Жарандардын айрым категорияларына ар айлык социалдык жөлөкпулдардын өлчөмдөрүн жогорулатуу жөнүндө» Жарлыкка кол койду. Бул тууралуу президенттин маалымат кызматы кабарлады.

Жарлыкка ылайык, ар айлык социалдык жөлөкпул алган балдарга жана бала кезинен ден соолугунун мүмкүнчүлүктөрү чектелүү адамдарга социалдык колдоону күчөтүү максатында, КРнын Министрлер Кабинетине тапшырылды.

2021-жылдын 1-октябрынан тартып ар айлык социалдык жөлөкпулдардын өлчөмдөрү 50%га көбөйтүлөт:

• ВИЧке же СПИДге чалдыккан энелерден төрөлгөн балдарга 4000 сомдон 6000 сомго чейин
• ден соолугунун мүмкүнчүлүктөрү чектелүү балдарга 4000 сомдон 6000 сомго чейин
• атасынан же энесинен айрылган балдарга 1000 сомдон 1500 сомго чейин
• атасы менен энесинен айрылган балдарга 2000 сомдон 3000 сомго чейин
• бала кезинен I топтогу ден соолугунун мүмкүнчүлүктөрү чектелүү адамдарга 4000 сомдон 6000 сомго чейин
• бала кезинен II топтогу ден соолугунун мүмкүнчүлүктөрү чектелүү адамдарга 3300 сомдон 4950 сомго чейин
• бала кезинен III топтогу ден соолугунун мүмкүнчүлүктөрү чектелүү адамдарга 2700 сомдон 4050 сомго чейин
• атасы менен энеси белгисиз балдарга 2000 сомдон 3000 сомго чейин

Ар айлык социалдык жөлөкпулдардын өлчөмдөрү 2022-жылдын 1-январынан тартып 100%га көбөйтүлөт:

• ВИЧке же СПИДге чалдыккан энелерден төрөлгөн балдарга 4000 сомдон 8000 сомго чейин
• ден соолугунун мүмкүнчүлүктөрү чектелүү балдарга 4000 сомдон 8000 сомго чейин
• атасынан же энесинен айрылган балдарга 1000 сомдон 2000 сомго чейин
• бала кезинен I топтогу ден соолугунун мүмкүнчүлүктөрү чектелүү адамдарга 4000 сомдон 8000 сомго чейин
• бала кезинен II топтогу ден соолугунун мүмкүнчүлүктөрү чектелүү адамдарга 3300 сомдон 6600 сомго чейин
• бала кезинен III топтогу ден соолугунун мүмкүнчүлүктөрү чектелүү адамдарга 2700 сомдон 5400 сомго чейин;

2022-жылдын 1-январынан тартып 200%га көбөйөт:

• атасынан же энесинен айрылган балдарга 2000 сомдон 6000 сомго чейин
• атасы менен энеси белгисиз балдарга 2000 сомдон 6000 сомго чейин;

Багуучусунан айрылгандыгына байланыштуу балдардын пенсиясынын базалык бөлүгүнүн өлчөмүн атасынан же энесинен (атасы менен энесинен) айрылган учурда, эгерде аларда пенсиялык камсыздоого укугу болбосо, балдар үчүн ар айлык социалдык жөлөкпулдун өлчөмүнө теңештирүү боюнча тиешелүү чаралар көрүлөт.

Алдын ала эсептер боюнча ар айлык социалдык жөлөкпулдардын өлчөмүн көбөйтүүгө республикалык бюджеттен кошумча каражат талап кылынат:

• ар айлык социалдык жөлөкпулдардын өлчөмүн 2021-жылдын 1-октябрынан тартып 50%га көбөйткөн учурда, кошумча 452.8 млн сом талап кылынат;

• ар айлык социалдык жөлөкпулдардын өлчөмүн 2022-жылдын 1-январынан тартып 100%га көбөйткөн учурда, кошумча муктаждык 3 590.9 млн сомду түзөт. 

КРнын социалдык фонду тарабынан багуучусунан айрылган учур боюнча пенсияларды теңделет.

Буга байланыштуу, 2021-жылдын 1-октябрынан 138 млн сом өлчөмүндө жана 2022-жылдын 1-январынан – 970 млн сом республикалык бюджеттен кошумча акча каражаттары талап кылынат

Чыгашалардын каржылоо булагы республикалык бюджеттен каржыланат.