Айбек Жунушалиев Бишкек шаарынын мэри кызматына расмий киришти. Бул тууралуу шаардык муниципалитеттин басма сөз кызматы кабарлады.

Бүгүн, 3-сентябрда, КРнын Борбордук шайлоо комиссиясынын мүчөсү Айдана Жупуева Айбек Жунушалиевге Бишкек шаарынын мэринин күбөлүгүн тапшырды.

Эске сала кетсек, Бишкек шаарынын мэрин шайлоо 2021-жылдын 26-августунда өткөн. Борбор калаанын мэри болуп Айбек Жунушалиев шайланды. Ал бул кызматка жалгыз талапкер болгон.

• Айбек Жунушалиев 1976-жылы Чүй областында туулган. КУУнун юриспруденция багыты боюнча билим алган. Ишмердүүлүгүн да ушул университетте мугалимдик кесиптен баштаган. 2021-жылдын февраль айынан тартып өкмөттүн аппаратынын жетекчисинин биринчи орун басары болуп эмгектенип келсе, 26-августта Бишкектин мэри кызматына келди.