Донорлор менен 80 млн доллардан ашык кредиттик келишимдер ратификацияланды
Президент Садыр Жапаров, 16-августта донорлор менен 80 млн доллардан ашык келишимдерди ратификациялады. Бул тууралуу өлкө башчынын маалымат кызматы кабарлады.
Азия өнүктүрүү банкы
Ратификацияланган келишимге ылайык, Азия өнүктүрүү банкы финансы каражаттарын республикалык бюджетке колдоо үчүн 80 млн АКШ доллар өлчөмүндө берет. Анын ичинде: 10.7 млн — грант жана 69.3 млн — кредит 24 жылга сегиз жылдык жеңилдетилген мезгилге 1% үстөк пайыз менен, негизги мезгилде 1.5% үстөк пайыз менен берилет.
Европа реконструкциялоо жана өнүктүрүү банкы
2021-жылдын 13-апрелинде Бишкек шаарында кол коюлган «Кербен шаарынын суу менен камсыздоо жана канализация системасын реабилитациялоо» долбоору боюнча ЕБРР менен кредиттик кошумча макулдашуу ратификацияланды.
Долбоордун максаты – Ноокат шаарында, ошондой эле жакын жайгашкан Фрунзе, Чапаев, Нойгут жана Арал айылдарында ичүүчү суу менен камсыздоо системасын реабилитациялоодо жана модернизациялоодо жардам көрсөтүү болуп саналат. Долбоорду ишке ашыруу мөөнөтү 3 жыл.
