Кыргызстан менен Өзбекстан электр энергиясы боюнча долбоорго кол койду
Кыргызстан менен Өзбекстандын энергетикалык компаниялары биргелешкен долбоорлорду ишке ашырууну макулдашты. Бул тууралуу Энергетика министрлигинин маалымат кызматы билдирди.
Улуттук энергетикалык холдингде Өзбекстан жана КРнын энергетикалык компанияларынын өкүлдөрүнүн жолугушуусу болуп өттү, анын жүрүшүндө электр жабдууларын коммерциялык эсепке алуу системасын автоматташтыруу боюнча долбоорду ишке ашыруунун негизги аспектилери талкууланды.
Тараптар электр энергиясын эсепке алуу жана энергия керектөөчүлөр менен эсептешүүлөр боюнча бизнес-процесстердин натыйжалуулугун жогорулатуу үчүн электр жабдууларын коммерциялык эсепке алуу системасын автоматташтыруу жабдыгын орнотуу жана биллинг системасын киргизүү боюнча пилоттук долбоорду ишке ашырууну макулдашты.
