Президент: КР Түркмөнстан менен соода-экономикалык кызматташууну тереңдетүүгө даяр
Кыргызстан Түркмөнстан менен соода-экономикалык, энергетикалык жана башка тармактарда кызматташууну тереңдетүүгө өзгөчө маани берет. Бул тууралуу бүгүн, 28-ноябрда президент Садыр Жапаров Ашхабад шаарында Түркмөнстан Республикасынын президенти Гурбангулы Бердымухамедов менен жолугушуу учурунда билдирди.
Садыр Жапаров Бердымухамедов менен Ашхабадда өтүп жаткан Экономикалык Кызматташтык Уюмунун (ЭКУ) 15-саммитинин алкагында жолукту. Өлкө лидерлери кыргыз-түркмөн мамилелеринин учурдагы абалын, ЭКУ саммитинин күн тартибиндеги долбоорлорду, ошондой эле жогорку деңгээлде жетишилген макулдашууларды ишке ашыруунун жүрүшүн талкуулашты.
Ал Уюм маанилүү аймактык түзүм экенин баса белгилеп, түркмөн тараптын ЭКУга мүчө мамлекеттер менен өз ара пайдалуу кызматташууну улантууга даярдыгын белгиледи.
Садыр Жапаров белгилегендей, кыргыз тарап Түркмөнстан менен соода-экономикалык, энергетикалык жана башка тармактарда кызматташууну тереңдетүүгө өзгөчө маани берет.
| Мамлекет башчылары Кыргызстан менен Түркмөнстандын элдеринин жыргалчылыгы үчүн эки тараптуу кызматташтыкты мындан ары да бекемдөөгө жана тереңдетүүгө өз ара даяр экендиктерин билдиришти. |
