Украинадагы согушка байланыштуу Кыргызстандын экономикасынын өсүү болжолу 4%га төмөн болушу мүмкүн – ЕРӨБ

Европа реконструкциялоо жана өнүктүрүү банкы (ЕРӨБ) Украинадагы согушка байланыштуу Кыргызстандын экономикасынын өсүү болжолун 4%га төмөн болоорун билдирди. Бул тууралуу ЕРӨБдүн акыркы макроэкономикалык отчетунда айтылат.

Жылдын акырына чейин республиканын ИДПсынын өсүшү 1%ды гана түзөрү күтүлүүдө. Ошол эле учурда Moody’s эл аралык рейтинг жүргүзүүчү агенттиги да 1% төмөндөө болорун болжолдоодо.

«КР жок дегенде расмий көрсөткүчтөрү боюнча өзгөчө жагдайда болушу мүмкүн. 2022-жылдын январында өлкөдө салыктык жана бажылык башкаруу боюнча масштабдуу реформалар жүргүзүлдү, бул мыйзамсыз сооданын жана формалдуу эмес экономикалык ишмердүүлүктүн кыскарышына алып келиши мүмкүн», – деп айтылат маалыматта.

ЕРӨБ Кытайдын КРга экспорттоо боюнча маалыматтары Кыргызстан расмий берген маалыматтардан дайыма 5-6 млрд долларга жогору болоорун белгиледи.

«Жүргүзүлүп жаткан реформалар аткезчиликти ооздуктоодо жарым-жартылай ийгиликтүү болду деп эсептесек, КРда жакынкы бир нече жылда фискалдык кирешелердин жана ИДПнын расмий көрсөткүчтөрүнүн олуттуу өсүшү байкалатн байкайт», – деп айтылат докладда.

Бирок ЕРӨБ парадоксалдуу түрдө, иш жүзүндөгү кирешелерге таасири соода көлөмүнүн төмөндөшүнөн улам терс болушу мүмкүн экендигин белгилейт.