Улуттук банк доллардын курсун текшилөө үчүн экинчи интервенцияны жасады – банктардан 14.5 млн доллар сатып алды
Улуттук банк кечээ, 31-мартта 14.5 млн доллар өлчөмүндөгү чет өлкө валютасын сатып алуу боюнча экинчи жолу валюталык интервенция жүргүздү. Бул тууралуу регулятордун сайтында айтылат.
6.8 млн долларды сатып алуу бүтүм түзүлгөн күнү эсептешүү менен ишке ашырылган. Улуттук банк дагы 7.7 млн долларды кийинчерээк алат – бул бүтүмдөр интервенция жасалган күндөн башка датага карата түзүлгөн.
Эскерте кетсек, 30-мартта дагы Улуттук банк валюта рыногуна чыгып, долларды сатып алуу боюнча интервенция жасап, анда банктардан 5.4 млн доллар сатып алган болчу.
Белгилей кетсек, Улуттук банк акыркы төрт жылдан бери биринчи жолу чет элдик валютаны сатып алуу боюнча тетири (адатта сатчу) интервенция жүргүздү. Акыркы жолу 2018-жылдын февраль айында регулятор 5.5 млн доллар сатып алган. Ал кезде доллардын расмий курсу 68.2 сомду түзүп турган.
