«Альянс Алтын» ЖЧК профсоюзу жамааттык келишимге ылайык алгачкы төлөмдөрүн жүргүздү
«Альянс Алтын» ишканасынын профсоюзу жамааттык келишимге ылайык алгачкы төлөмдөрүн жүргүздү.
Келишимде ишкананын кызматкерлеринин жакын туугандарын акыркы сапарга узатуу үчүн 10 миң сом өлчөмүндө бир жолку жөлөк пул төлөө каралган. Бүгүнкү күндө бул төлөмдөрдү 11 адам алган жана анын жалпы суммасы 110 миң сомду түзгөн.
Ошондой эле 50, 55, 60 жана 65 жашка толгон (ишканада 5 жылдан кем эмес үзгүлтүксүз иш стажы болгон) кызматкерлерге 5 миң сом өлчөмүндө бир жолку пособие төлөп берүү каралган. 4 кызматкер тарабынан жалпы суммасы 20 миң сомдук тиешелүү төлөмдөр алынган.
Мындан тышкары, ишкананын кызматкери никеге турганына карата 5 миң сом өлчөмүндө бир жолку төлөм каралган. Бул акчаны үч киши алган.
Дагы тогуз кызматкер бала төрөлгөнүнө байланыштуу 3000 сомдон бир жолку жөлөк пул алышкан. Төлөмдөрдүн жалпы суммасы 27 миң сомду түзгөн.
Эске салсак, жамааттык келишимге 2021-жылдын сентябрь айында «Альянс Алтын» ЖЧКсынын башкы директору Сабир Рахматов менен профсоюздук комитетинин төрагасы Кубат Болотканов кол коюшкан. Келишим профсоюз мүчөлөрүнүн бардык сунуштарын эске алуу менен түзүлгөн жана КРнын Эмгек кодексине толук жооп берет. Анын негизги максаты – ишканада иштөө үчүн эң ыңгайлуу шарттарды түзүү болуп саналат.
