Кытай Ысык-Көл облусунда кубаттуулугу 1000 мВт күн электр станциясын курат

Назира Абдиева

11 апр. 2022 20:10

Энергиянын кайра жаралуучу булактары тармагындагы долбоорлорду өнүктүрүү боюнча тапшырмасын аткаруу алкагында Ысык-Көл облусунда 1000 мВт күн электр станциясын куруу боюнча Инвестициялык келишимге кол коюлду.

Меморандумга кол коюу аземи «КРнын энергетика секторун трансформациялоо» форумунда өттү.

Документке КР Министрлер кабинетинин атынан энергетика министри Доскул Бекмурзаев менен Экономика жана коммерция министри Данияр Амангелдиев бир тараптан жана экинчи тараптан курамына «China Power International Development Limited (CPID)» жана «China Railway 20 Bureau Group Corporation (CR20G)» кирген кытай энергетика консорциумунун ортосунда кол коюлду.

China Power International Development Limited дүйнөдөгү күн энергиясын өндүрүүчү эң ири компания болуп саналат жана Пакистан, Вьетнам, Казакстан, Германия, Австралия, Бразилия, Чили жана Мексика сыяктуу өлкөлөрдө иштейт. Кызматкерлердин саны 12 миңден ашуун адамды түзөт. Компаниянын жалпы орнотулган кубаттуулугу 48.7 ГВт (биздин өлкөдө, салыштыруу үчүн – 3.93 ГВт).

China Railway 20th Bureau Group Corporation 1948-жылы түзүлгөн жана өз ишмердүүлүгүн Ангола Республикасы, Монголия, Мозамбик Республикасы, Бразилия, Пакистан сыяктуу өлкөлөрдө жүргүзөт. Кызматкерлердин саны 20 миңден ашуун адамды түзөт. Жогоруда аталган мамлекеттердеги инвестициясынын жалпы көлөмү 6.1 млрд АКШ долларын түзөт.

Ошондой эле Министрлер Кабинети «EcoEner» испан энергетикалык компаниясы менен күн электр станциясын жана ГЭС куруу боюнча өз ара түшүнүшүү жөнүндө Меморандумга да кол койду. Анын алкагында Ысык-Көл облусунда 260 МВт күн электр станциясын жана ГЭС куруу пландалууда.

Мындан тышкары окуңуз

Салык кызматы 2025-жылы 3,7 млрд сомдук жасалма ЭЭФ алдамчылыгы болгонун билдирди

Мамлекеттик салык кызматы электрондук эсеп-фактуралар боюнча көзөмөлдү күчөтүп, жасалма документ жүгүртүүнүн ири схемаларын аныктады. 2025-жылдын жыйынтыгы боюнча кызмат чыныгы чарбалык операцияларсыз ЭЭФ (электрондук эсеп фактура) тариздеген дээрлик 270 жеке ишкер менен уюмдун тиешеси бар экенин аныктады. Текшерүүлөрдүн жыйынтыгында бюджетке айып пулдар менен туумдарды кошкондо 3,7 млрд сомдон ашык кошумча

Саламаттыкты сактоо министринин орун басары кармалды

УКМК саламаттык сактоо министринин орун басары С.Р. С. мыйзамга каршы аракеттерге шектелип кармалганы тууралуу маалымат мекеменин социалдык тармактардагы баракчаларына 20-февралдын кечинде жарыяланды. Мекеменин билдирүүсүндөгү инициалдар саламаттыкты сактоо министринин орун басары болуп иштеп келген Сыдыгалиев Рыспек Сулкайдаровичтин аты-жөнүнө туура келет. Коопсуздук комитети тараткан маалыматка караганда, министрдин орун басары 2022–2023-жылдары

"Мамлекеттик финансылык холдинг" ААКсынын капитализациясы 3,5 млрд сомго өстү

2026-жылдын 20-февралында Кыргыз фондулук биржасында (КФБ) соода көлөмү кескин өсүп, 3,5 млрд сомго жетти. Бул көрсөткүчкө негизинен "Мамлекеттик финансылык холдинг" ААКсынын акцияларын жайгаштыруу таасир этти. Негизги бүтүм Баштапкы рынокто "Мамлекеттик финансылык холдингдин" жөнөкөй акцияларын жайгаштыруу боюнча жалгыз бүтүм 3,5 млрд сомго бааланды. Бул операция

Кыргызстан ТМУнун экономикалык кызматташтыгын бекемдөөгө демилге көтөрдү

Бүгүн Казакстан Республикасынын Түркестан шаарында Түрк мамлекеттер уюму (ТМУ) экономика жана соода министрлеринин 14-жыйыны болуп өттү. Жыйынга Кыргыз Республикасынын экономика жана коммерция министринин орун басары Султан Ахматов катышты. Бул тууралуу Экономика жана коммерция министрлигинен билдиришти. Султан Ахматов өз сөзүндө мурда жетишилген макулдашууларды практикалык жактан ишке ашыруунун маанилүүлүгүн, ошондой эле экономикалык