Казак теңгесинин курсу Казакстанга экспорттогон жактар менен комбанктардын ортосунда эркин аныкталат
Улуттук банк «КРнын коммерциялык банктарынын, алмашуу бюролорунун, микрофинансылык жана микрокредиттик компанияларынын казак теңгеси менен операцияларды жүргүзүүсү боюнча убактылуу тартип жөнүндө» токтомуна өзгөртүүлөрдү киргизди. Бул тууралуу мекеменин маалымат кызматы билдирди.
Бул токтомго ылайык, казак теңгесинин сатып алуу курсун белгилөө боюнча талаптар (70%дан ашпаган өлчөмдө салмактанып алынган тобокелдик коэффициентин колдонуу) экспорттоо контрактарынын негизинде Казакстандын аймагына товарларды, жумуштарды жана кызмат көрсөтүүлөрдү экспорттоо менен алектенген жактардан нак эмес казак теңгесин сатып алуу боюнча КРнын коммерциялык банктарынын операцияларына жайылтылбайт.
Казак теңгесинин сомго карата алмашуу курсу экспорттоо контрактарынын негизинде Казакстандын аймагына товарларды, жумуштарды жана кызмат көрсөтүүлөрдү экспорттоо менен алектенген жактар менен коммерциялык банктар ортосунда эркин аныкталат (келишимдин негизинде).
