Баалар эң көп Нарын облусунда көтөрүлдү – Улутстатком
Үстүбүздөгү жылдын январь-мартында (өткөн жылдын декабрына салыштырмалуу) жалпы республика боюнча керектөө бааларынын өсүүсү 5%ды түздү. Бул тууралуу Улутстаткомдун маалымат кызматы билдирди.
Ушул эле учурда тамак-аш азыктарына жана алкоголдуу ичимдиктерге 7.7%га, алкоголсуз суусундуктарга жана тамекиге 6.5%га, азык-түлүк эмес товарларга 3.3%га, калкка кызмат көрсөтүүнүн тарифтери 1.7%га өскөнү байкалды.
Үстүбүздөгү жылдын январь-март айларында керектөө бааларынын өскөнү бүт региондордо байкалган.
Бирок максималдуу өсүүсү башка региондорго салыштырганда эң чоң пайыздык көрсөткүч (6%) Нарын облусунда катталган, мунун себеби башка аймактарга караганда алкоголдуу ичимдиктерге жана тамекиге болгон баанын өсүшү (15.8%) менен түшүндүрүлөт.
