Лейлектеги 7 млн долларлык кичи ГЭСти депутат Айбек Осмоновдун бир тууганына таандык «Кыргыз Каганат» (Ихлас Строй) ЖЧКсы курат
Орус-кыргыз өнүктүрүү фонду (ОКӨФ) Лейлек кичи ГЭСинин курулушуна 7 млн доллар өлчөмүндө жеңилдетилген насыя бөлдү. Бул тууралуу аталган фонддун басма сөз кызматы билдирди.
Фонддун берген маалыматында долбоорду «Кыргыз Каганат» ЖЧКсы ишке ашыраары тууралуу айтылган. Курулуш иштери 2022-жылдын март айында башталып, 2023-жылдын март айында бүткөрүлөт.
ЖМКгы фактчек-маалыматтарга таянсак, «Каганат Инвест» холдингинин башкы директору Нурбек Осмонов Жогорку Кеңештин депутаты Айбек Осмоновдун бир тууган агасы.
«Каганат Инвест» холдинги «Кыргыз Каганат» ЖЧКсын 2003-жылы түзгөн жана ал «Ихлас» бренди менен аталган ишкана бир топ турак жай үйлөрүн куруп келет.
Лейлек кичи ГЭСинин курулушуна колдонулчу өндүрүштөгү жабдуулар да «Каганат Инвест» холдингине таандык «Кыргыз Унаа Курулуш» ЖЧКсынан алынат.
