КР менен Азербайжандын ортосунда алты меморандум жана үч келишимге кол коюлду
Президент Садыр Жапаровдун Азербайжанга расмий сапарынын алкагында кыргыз-азербайжан биргелешкен өз ара аракеттенүүнү өркүндөтүүгө багытталган бир катар эки тараптуу документтерге кол коюлду. Бул тууралуу өлкө башчынын маалымат кызматы билдирди.
Садыр Жапаров менен Ильхам Алиев КР менен Азербайжандын ортосундагы стратегиялык өнөктөштүк жөнүндө Декларацияга жана Мамлекеттер аралык кеңешин түзүү жөнүндө Меморандумга кол коюшту.
Берилген маалыматка ылайык, Кыргызстан менен Азербайжандын ортосунда алты меморандум жана үч келишимге кол коюлду.
- КР Министрлер кабинети менен Азербайжандын Өкмөтүнүн ортосундагы Аба катнашы жөнүндө макулдашуу
- КРнын Айыл чарба министрлиги менен Азербайжандын Айыл чарба министрлигинин ортосундагы Айыл чарба жаатында кызматташуу жөнүндө макулдашуу
- КР Финансы министрлиги менен Азербайжандын Финансы министрлигинин ортосундагы кызматташуу жөнүндө Өз ара түшүнүшүү тууралуу меморандум
- КР Санариптик өнүктүрүү министрлиги менен Азербайжандын Санариптик өнүктүрүү жана транспорт министрлигинин ортосунда Байланыш жана маалыматтык-коммуникациялык технологиялар жаатында кызматташууну өнүктүрүү жөнүндө меморандум
- КР Экономика жана коммерция министрлигине караштуу Монополияга каршы жөнгө салуу кызматы менен Азербайжандын Экономика министрлигине караштуу Монополияга каршы жана керектөө рыногун контролдоо боюнча мамлекеттик кызматынын ортосундагы Кызматташуу жөнүндө меморандум
- КР Министрлер кабинетине караштуу Интеллектуалдык менчик жана инновациялар мамлекеттик агенттиги менен Азербайжандын Менчик Агенттигинин ортосундагы Интеллектуалдык менчикти коргоо жаатындагы өз ара түшүнүшүү жана кызматташуу жөнүндө меморандум
- КР президентине караштуу Мамлекеттик башкаруу академиясы менен Азербайжандын президентине караштуу Мамлекеттик башкаруу академиясынын ортосундагы кызматташтык жөнүндө меморандум
- КРнын Коомдук телерадиоберүү корпорациясы менен «Азербайжан Телекөрсөтүү жана Радиоуктуруу» ЖАКтын ортосундагы кызматташтык жөнүндө макулдашуу.
