Чолпон-Атадагы 5.1 млн евролук долбоорду «Суу-Канал» ишканасы ишке ашырууда – суу түтүктөрүн оңдойт
«Суу-Канал» ишканасы Европа реконструкциялоо жана ѳнүктүрүү банкынын «Чолпон-Ата шаарындагы суу түтүктѳр системасын жакшыртуу» долбоорунун алкагында курулуш иштерин алып барууда. Бул тууралуу минкабдын маалымат кызматы билдирди.
Министрлер кабинетинин төрагасы Акылбек Жапаров Ысык-Көл облусуна болгон иш сапарынын алкагында, Чолпон-Ата шаарында аткарылып жаткан таза суу системасын жаңылоо жумуштарынын жүрүшү менен таанышты.
«Жалпысынан долбоорго 5.1 млн евро каралган. Долбоорду аткаруунун алгачкы этабында Чолпон-Ата шаарындагы муниципалдык «Суу-Канал» ишканасынын короосуна кеңсе жана унаа токтоочу имараттар салынып, 5 жаңы техника сатылып алынды. Ошондой эле суу тазалоочу станциянын курулушу жүрүп, 18 км аралыкка жаңы түтүктөр тартылган», – деп айтылат билдирүүдө.
