Кыргызстандык товарлардын экспорту дээрлик 14%га кыскарды
КРнын товарларынын тышкы жана өз ара соодасынын көлөмү 2022-жылдын январь-март айларында 2.1 млрд АКШ долларын түздү жана 2021-жылдын январь-март айларына салыштырмалуу 48.4%га көбөйдү. Мындай көрсөткүчтөр Улутстаткомдун маалыматында айтылат.
Экспорттук жөнөтүүлөр 13.6%га азайып, ал эми импорттук келип түшүүлөр тескеринче, 1.7 эсе жогорулаган.
КРнын ЕАЭБге мүчө мамлекеттери менен өз ара соода көлөмү 2022-жылдын январь-мартында 835.4 млн долларды түздү жана 2021-жылдын январь-мартына салыштырганда 21.3%га өскөн. Мында экспорттук жөнөтүүлөр 23%га, импорттук келип түшүүлөр 20.7%га жогоруланган.
Республиканын ЕАЭБ мүчө мамлекеттери менен болгон өз ара соодасынын эң чоң үлүшү ушул жылдын январь-март айларында Россияга (68.6%) жана Казакстанга (29.6%) туура келет.
