Америкалык John Deere компаниясы КРнын айыл чарба техникаларын жаңыртууга 50 млн доллар жеңилдетилген насыя берет
Айыл чарба техникасын чыгарган дүйнөдөгү ири компаниялардын бири болгон John Deere Кыргызстанга айыл чарба техникаларын сатып алуу үчүн дыйкандарга жеңилдетилген насыя менен 50 млн доллар берет.
Тиешелүү меморандумга кечээ, 16-майда КРнын Айыл чарба министрлиги, Финансы министрлиги, «Айыл Банк» ААК, John Deere жана «Евразия Групп» компаниялары кол коюшту.
Бул меморандум Кыргызстанда айыл чарба техникасын жаңылоо боюнча масштабдуу долбоордун башталышына өбөлгө болот.
«Бүгүнкү күндө биздин алдыбызда 2026-жылга чейин айыл чарба техникаларынын паркын жок дегенде 10% жаңылоо милдети турат. Учурдагы жабдуулар өтө көп убакыттан бери алмаштырылбай, түшүмдүүлүккө терс таасирин тийгизип жаткан. John Deere менен түзүлгөн келишим алдыга коюлган милдеттерди ишке ашыруунун биринчи этабы болуп саналат», – деди Айыл чарба министри Аскарбек Жаныбеков.
