Акча которуулардын азайышы токтоду – апрель айында каражаттар агымы 18%га өстү
Апрель айында Кыргызстанга акча которуулардын агымы 18%га көбөйүп, 255.2 млн долларды түздү, ал эми өткөн жылдын ушул мезгилинде 216.2 млн долларды түзгөн. Мындай маалыматты Улуттук банк билдирди.
Эң чоң көлөмдөгү акча которуулар 242.3 млн доллар суммасында Россиядан түшүп, 2021-жылдын апрелине салыштырмалуу 14%га өскөн.
Экинчи орунда болсо Кыргызстанга акча которуулар боюнча АКШ турат, ал жактан апрель айында 5.2 млн доллар түшкөн, өткөн жылдын апрелине салыштырмалуу 2.2 эсеге өскөн.
Калган башка өлкөлөрдөн Кыргызстанга 7.7 млн доллар суммасындагы акча которулган.
Белгилей кетсек, жыл башынан бери (январь-апрель) Кыргызстанга акча которуулардын көлөмү 773.1 млн долларды түзгөн (+1.8%), ал эми 2021-жылдын ушул эле айларында 759.2 млн доллар келген.
