29 июль – 7-август күндөрү Кусеин Көлбаев туннели убактылуу жабылып турат - Транспорт министрлиги эскертет
2022-жылдын 29 июль – 7-август күндөрү күз-кыш мезгилине даярдык көрүү үчүн жолду оңдоо-калыбына келтирүү иштерине байланыштуу, Кусеин Көлбаев атындагы туннелде унаалардын өтүүсүнө убактылуу чектөөлөр киргизилерин Транспорт министрлиги кайрадан эскертет.
“29 июль – 7 август күндөрү саат 4:00 дөн 6:00 гө чейин, саат 08:00дөн 10:00 гө чейин жана 12:00дөн 14:00гө чейин жабылат. Калган убакта каттам толугу менен ачык болот.Айдоочуларды жана жүргүнчүлөрдү транспорт каражаттарына чектөө киргизүү боюнча аргасыз чарага түшүнүү менен мамиле кылууну суранабыз”, – деп айтылат маалыматта.
Белгилей кетсек, күз-кыш мезгилинде жол кыймылынын үзгүлтүксүз жана коопсуз болушу үчүн жол иштери ушул мезгилде жүргүзүлөт.
