Баткен облусуна эртең мененки саат 8:00гө карата 1.5 миң тоннадан ашык гуманитардык жардам жеткирилди. Бул тууралуу Өзгөчө кырдаалдар министрлигинин басма сөз кызматы билдирди.

Мында министрлик тарабынан 264.9 тонна, жарандардын өз күчү менен 1036.6 тонна жеткирилген. Складда 199.2 тонна гуманитардык жардам бар.

Аталган башкармалык учурда Баткен облусунда 136 миң 770 жаран коопсуз аймактарга көчүрүлгөнүн эскертти. Ош облусунун Чоң-Алай районундагы Жекенди айыл аймагынан 5301 жаран эвакуацияланды.