Баткен облусуна жардам көрсөтүү үчүн атайын эсепке 273 млн сомдон ашык акча түштү
Тажикстандын кол салуусунан жапа чеккен Баткен облусунун калкын колдоо үчүн атайын эсепке 273 млн 350 миң сом которулду. Мындай маалыматты бүгүн саат 10:00гө карата Финансы министрлиги берген.
Транзакциялардын саны 3184 которуудан ашкан. Абийирсиз жарандар тарабынан алдамчылыкка жол бербөө үчүн атайын эсеп ачылган.
Эгерде сиз да Баткен облусунун жабыр тарткан тургундарына материалдык жардам көрсөтүүнү кааласаңыз, анда Финансы министрлигинин атайын эсебине акча которсоңуз болот, ошондой эле зарыл болгон азык-түлүктөрдү сатып алуу үчүн, ошондой эле тургундарды эвакуациялоо үчүн күйүүчү-майга акча чогулткан Улуттук Кызыл Жарым Ай коомуна акча жөнөтсөңүз болот.
Эгер сиз өзүңүз гуманитардык жардам көрсөткүңүз келсе, бул жерден керектүү нерселердин жаңыланган тизмесин таба аласыз. Гуманитардык жардам чогултуу пункттарынын даректерин бул жерден тапса болот.
Ошондой эле жабыркагандарга донордук кан керек. Даректерди жана байланыштарды бул жерден тапса болот.
