Кыргызстандын Россиядагы элчилиги дагы бир жолу кыргызстандыктарды такталбаган маалыматка ишенбөөгө, ошондой эле чындыкка дал келбеген кабарларды таратпоого чакырат.

Россиянын ИИМи иштегени келген жарандарды мобилизациялоо боюнча деген буйругунун таралышынан улам дипломатиялык өкүлчүлүк коомго кайрылды. Алсак, таратылган документте РФ ИИМ Миграция департаментине Россиянын аймагында убактылуу жүргөн жана иштеген чет элдик жарандарды мобилизациялоо үчүн аскерге чакыруу механизмин иштеп чыгууну тапшырганы айтылат. Эгерде чет элдиктер чакыруу кагаздарын алууга жана Россиянын Куралдуу күчтөрү менен келишим түзүүгө макул болбосо, алар иштөөгө уруксатын жокко чыгарып, 5 жылдан кем эмес убакытка Россияга кирүүгө тыюу салат.

Буга байланыштуу Кыргызстандын элчилиги анда көрсөтүлгөн маалыматтардын баары чындыкка дал келбей турганын билдирди.