Эгерде акча алмаштыруучу жайдын маалыматтык стендинде чет өлкө валютасын сатып алуу/сатуу курстары көрсөтүлүп турса, бирок алар чет өлкө валютасын кабыл алуудан баш тартса, анда Улуттук банк аларга карата тиешелүү чараларды көрөт.

Буга чейин Economist.kg кабарлагандай Моссоветтеги акча алмаштыруу жайлары еврону сомго алмаштыруудан баш тартышкан. Редакция бул боюнча регулятордон түшүндүрмө сураганда, көзөмөл орган жогорудагыдай комментарий берди.

Ал эми алмашуу бюролорунун Ассоциациясы бул абалды евронун наркынын кескин төмөндөшүнө байланыштуу болушу мүмкүн деген пикирин билдирди.

«Европада жылытуу мезгили башталды. Газ кымбаттады, бардык төлөмдөр рубль менен жүргүзүлүүдө. Демек, евронун арзандашы – бул глобалдык тенденция, биз жашап жаткан чындык. Балким, ушундан улам алмаштыруучу жайларда валютанын курсу актуалдуу эмес болууда же кардардын банкнотторунда көйгөйлөр жаралган”, – дейт ассоциациянын жетекчиси Думан Рыскулов.