УКМК Баткен облусунун аймагында мамлекеттик чек араны мыйзамсыз кесип өтүү фактысы боюнча ыкчам-издөө иш-чараларын жүргүзүүнүн алкагында, Тажикстандан аткезчилик жол менен ичимдик алып келген жаранды кармаганын билдирди.

Алынып келинген товар – 2160 бөтөлкө көлөмүндөгү “Ягуар” алкоголдук ичимдиги болгон.

Көрүлгөн чаралар менен жогорудагы мыйзамсыз аракетке катышкан
КРнын жараны К.А.А. бул алкоголдук продукцияны мыйзамсыз алып келүү фактысын тастыктаган, ошол эле учурда кылмышка шектүү дагы бир шериги жүк ташуучу унаада Тажикстандын аймагына качып кеткен.

Учурда бул факты боюнча процессуалдык документтер түзүлүп,
тиешелүү ыкчам-иликтөө иш-чаралары жүргүзүлүүдө.