Кыргызстанга Азербайжандан ишкерлер келишти. Алар президенттин Чүй облусундагы ыйгарым укуктуу өкүлү менен жолугушуп, Баткен облусундагы жабыркагандарга жардам көрсөтүштү жана ошондой эле ата мекендик компаниялар менен меморандумга кол коюшту.

Маалым болгондой, азербайжандык ишкерлер «Кант-Сүт» жана «Үмүт и К» ишканалары менен кызматташуу боюнча меморандумдарга кол коюшуп, Atalyk Group менен мындан аркы кызматташуу боюнча сүйлөшүүлөрдү жүргүзүшкөн.

Ошондой эле Чүй облусунун Ысык-Ата жана Кемин райондорунда убактылуу жашап жаткан Баткен облусунун куралдуу кагылыштан жабыркаган жарандарына Азербайжандан келген ишкерлер 252 миң сомдук гуманитардык жардам көрсөтүштү.