Үстүбүздөгү жылдын тогуз айында жолдорду капиталдык жана орто ремонттоого 17.5 млрд сом бөлүнгөн. Бул тууралуу Транспорт министринин биринчи орун басары Нурланбек Кайынбаев маалымат жыйынында билдирди.

Анын айтымында, анын 7.5 млрд сому мамлекеттик бюджеттен бөлүнсө, калган 10 млрд сому донорлордон түшкөн. Алар жолдорду куруу боюнча 15 инвестициялык долбоорду ишке ашырууга багытталат.

«342 чакырымдык жол асфальтталды, инвестициянын эсебинен узундугу 90 км болгон жаңы асфальт жол салынды, 88 км орто оңдоо иштери жүргүзүлдү. Жалпысынан 500 чакырымдан ашык жол оңдолду», – деди Кайынбаев.