Министрлер кабинетинин төрагасы Акылбек Жапаров Жогорку Кеңештин жыйынында Баткен облусунун жабыркаган тургундары тарабынан алынган 250 кредит кечирилгенин билдирди.

Анын берген маалыматы караганда, коммерциялык банктар 14-17-сентябрда Баткен облусунда орун алган окуядан жабыркаган жана насыясы бар жарандар менен иш алып барууда.

“Учурда жалпы суммасы 13.5 млн сомдук 250 кредит кечирилип, 2.5 млн сом суммасындагы 13 кредит реструктуризацияланды.

«Ак-Сай айылынын четинде чакан чарбаны чоң ишканага – канаттуулар фабрикасына айланткан ишкер курман болгонун билесиңер. Анын дээрлик 9 млн сомго жакын банктагы карыздары жабылды. Мен бул компанияга жеке өзүм бардым. Канаттуулар фабрикасы калыбына келтирилет жана кеңейтилет. Бул маселе менин жеке көзөмөлүмдө», – деди ал.