Турмуш-тиричилик техникасын чыгарган Түштүк Кореялык LG компаниясы Москва облусундагы заводун жаап, өндүрүштү Өзбекстан же Казакстанга көчүрүүнү пландоодо. Бул тууралуу «Коммерсантъ» жазды.

Басылманын маалыматы боюнча, өндүрүүчү эки өлкөдө тең сүйлөшүүлөрдү жүргүзүп жатат. Өзбекстанда – тиричилик техникасын чыгаруучу Artel менен – анын ишканаларында Samsung техникасы да чыгарылат. Ал эми Казакстанда 1998-жылдан бери LG-нин заводу иштечү, бирок ал бир нече жыл мурун жабылган.

Арзан жумушчу күчүнөн улам өндүрүштү Өзбекстанга көчүрүү пайдалуураак, бирок Казакстанда төлөөгө жөндөмдүү керектөөчүлөр көп экендиги белгиленип айтылган.