27-октябрда Ташкентте Түрк тилдүү мамлекеттер уюмуна мүчө өлкөлөрдүн темир жол администрацияларынын башчыларынын биринчи жолугушуусу өттү. Бул тууралуу “Кыргыз темир жолу” мамлекеттик ишканасынын басма сөз кызматы билдирди.

Иш-чарага Өзбекстан, Азербайжан, Казакстан, Кыргызстан жана Түркиянын өкүлдөрү катышты. Тараптар уюмдун темир жол администрацияларынын активдүү кызматташуусу боюнча маселелерди талкуулашты.

Жолугушуунун жыйынтыгында Түрк тилдүү мамлекеттер уюмуна мүчө-өлкөлөрдүн темир жол башкармаларынын демилгелерин ишке ашыруу боюнча туруктуу жумушчу топ түзүү боюнча жана бир катар башка макулдашуулар түзүлдү.

Бул тема боюнча башка жаңылыктарды окуңуз:

Кашкар — Ош — Анжиян — Галаба — Хайратон транзиттик каттамы боюнча алгачкы поезд жөнөп кетти

Самаркандда Өзбекстан — Кыргызстан — Кытай темир жолунун курулуш долбоору боюнча макулдашууга кол коюлду