Sign in Subscribe

Валюта кризиси: Акча алмаштыруу жайларында доллар такыр жок – банктар аларга валюта сатпай жатыптыр

Бактынур Абдиева

— 1 min read

Кыргызстанда валюта кризиси күч алууда. Бүгүн, 11-ноябрда, Бишкектеги Моссовет кесилишиндеги акча алмаштыруучу жайлардын дээрлик бардыгында АКШ доллары түгөнүп калган. Банктар аларга валюта сатпайт, анткени аларда да накталай доллар жок.

10дон ашык акча алмаштыруу жайларын кыдырып чыккан Economist.kg-нин кабарчысынын айтымында, бир дагы акча алмаштыруучу жайда АКШ доллары жок. Бир акча алмаштыруучу жайда болгону 27 доллар накталай акча калганын айтышса, экинчисинде жыйырма долларлык купюралар менен болгону 100 доллар калган.

Кабарчы айланып өткөн Моссовет кесилишиндеги үч коммерциялык банкта да доллар жок деп айтылган.

Банктарда валютанын жоктугунан улам акча алмаштыруу жайларында да доллар жок. Банктарга бизнестен жана калктан валюта түшүп турат, ал эми акча алмаштыруучу жайлар накталай чет өлкө валютасын сатып алышат.

Валюта кризиси Улуттук банктын чет элдик валютаны жүгүртүүгө койгон катуу чектөөлөрүн алып салганына карабай уланууда. Эскерте кетсек, 22-июлда УБ тарабынан чектөөлөр киргизилген эле: алмаштыруу бюролоруна календардык күн ичинде өз жүгүртүү капиталынан ашык суммага банктардан накталай чет өлкө валютасын сатып алуу же сатуу боюнча операцияларды жүргүзүүгө тыюу салынган.

5-сентябрдан тартып акча алмаштыруучу жайлар банктардан валюта сатып алуусуна коюлган чектөөлөр алынып, Улуттук банк валюта рыногундагы абал турукташканы тууралуу жарыялаган. Бирок андан бери банктарда да накталай чет элдик валюта көбөйгөн жок, акча алмаштыруучу жайларда АКШ долларын сатууга чектөөлөр киргизилген.

Read more

Талас облусунда таштандыларды сорттоочу ишкана ачылды. Долбоорду «Альянс Алтын» компаниясы колдоду

Талас облусунда таштандыларды сорттоочу ишкана ачылды. Долбоорду «Альянс Алтын» компаниясы колдоду

Талас облусунун Шумкар-Уя айыл өкмөтүндө таштандыларды сорттоочу ишкана ачылды. Бул тууралуу Талас облусундагы президенттин ыйгарым укуктуу өкүлдүн аппаратынан билдиришти. Шумкар-Уя айыл өкмөтүнүн аймагында аянты 1,5 гектарды түзгөн «Шумкар» ишканасы курулган. Жергиликтүү бийлик ишкана аймактагы экологиялык абалды жакшыртууга жардам берип, күнүнө 10-15 тонна таштандыны кайра иштетет деген ишенимде. Айыл өкмөтүнүн
«Альянс Алтын» мамлекеттик бюджетке салык төлөмдөрү боюнча рекорд койду

«Альянс Алтын» мамлекеттик бюджетке салык төлөмдөрү боюнча рекорд койду

«Альянс Алтын» компаниясы 2024-жылдын башынан бери 7.48 млрд сом төлөп, мамлекеттик бюджетке салык төлөмдөрү боюнча жаңы рекорд койду. Бул тууралуу компаниянын басма сөз кызматы билдирди. Тоо-кен компаниясында белгиленгендей, 2023-жылы «Альянс Алтын» рекорддук көрсөткүчтү 4,4 тонна алтын өндүргөн, бул өткөн жылдардагы көрсөткүчтөрдөн бир топ жогору. Ошол эле учурда салык
Жыл башынан бери «Альянс Алтындын» салык төлөмдөрү 6.2 млрд сомду түздү

Жыл башынан бери «Альянс Алтындын» салык төлөмдөрү 6.2 млрд сомду түздү

2024-жылдын январь-сентябрь айларында Жерүй кенин иштетип жаткан «Альянс Алтын» кен казуучу компаниясы бюджетти дээрлик 6.2 млрд сомго толуктаган. Сентябрь айында салык төлөмдөрү 767 млн сомдон ашты. Бул тууралуу компания Economist.kgге билдирди. «Альянс Алтын» белгилегендей, алтынды сатуудан түшкөн салык отчеттук мезгилде дээрлик 5 млрд сомго жеткен. Ал эми сентябрь
«Альянс Алтын» компаниясы Кыргызстандагы ТОП-5 мыкты ишканалардын катарына кирди

«Альянс Алтын» компаниясы Кыргызстандагы ТОП-5 мыкты ишканалардын катарына кирди

«Альянс Алтын» тоо-кен казуучу компаниясы Кыргызстандагы ТОП-5 мыкты ишканалардын катарына кирди. Рейтинг Улуттук статистика комитетинин расмий сайтында жарыяланды. Мекеменин маалыматы боюнча, ишкана престиждүү республикалык көрсөткүчтө төртүнчү орунду ээлеген. «Альянс Алтын» белгилегендей, бул жетишкендик компаниянын тоо-кен тармагын өнүктүрүүгө умтулуусу жана өлкөнүн экономикасына жигердүү салымынын аркасында мүмкүн болду.