Кыргызстандык айымдар баштаган эки стартап ПРООНдон 10 миң доллардык грант алды

Бактынур Абдиева

21 нояб. 2022 23:01

Кыргызстандык аялдардын эки стартапы БУУӨП (ПРООН) аймактык акселерация программасынан (BOOST социалдык инновациялар программасы) 10 миң доллар өлчөмүндө грант алышты. Бул тууралуу аталган уюмдун басма сөз кызматы билдирди.

“Новатор аялдар” программасы 2022-жылдын февраль айында башталган. Европадан жана Борбордук Азиядан жалпысынан 288 стартап, чакан жана орто бизнес, коммерциялык эмес жана академиялык мекемелерден арыз түшүп, катышууга 55и тандалып алынган.

Программа информатикадагы аялдар, аялдар жана санариптик жеткиликтүүлүк, санариптик экономикадагы жана STEMдеги аялдар жана ошондой эле технологиялык инновацияларды өнүктүргөн аялдар сыяктуу тематикалык багыттарда инновациялык ыкмаларды колдонгон стартаптарга, чакан жана орто ишканаларга, коммерциялык эмес уюмдарга жана академиялык мекемелерге багытталган эле.

Ошентип, Кыргызстандык эки стартапка 10 миң доллардан берилди:

Кыргыз космос программасы – кыздарга STEM билимин окутууну жайылткан, жети жаш айым жетектеген коммерциялык эмес уюм. Бул команда спутниктерди жасоо аркылуу жаштардын STEMге катышуусуна дем берген билим берүү платформасын түзүүдө;

WeinCrypto – билим берүү мүмкүнчүлүктөрүн камсыз кылып, аялдардын жана жаштардын криптовалюталык инвестиция дүйнөсүнө катышуусуна көмөктөшкөн автономдук уюм. Алардын максаты – Борбордук Азия аймагындагы стереотиптерди жана гендердик теңсиздикти жоюуга жардам берүү.

Мындан тышкары окуңуз

Кепилдик фонд ISO 9001:2015 стандарты боюнча байкоочу аудиттен ийгиликтүү өттү

2025-жылдын 15–16-октябрында «Кепилдик фонд» ААКсы эл аралык ISO 9001:2015 стандартынын талаптарына ылайык сапатты башкаруу тутумунун биринчи байкоочу аудитинен ийгиликтүү өттү. Текшерүүнүн жыйынтыгында сертификаттын аракет мөөнөтү дагы бир жылга узартылды. Бул уюмдун ишмердүүлүгүнүн жогорку деңгээлде уюштурулганын, ички процесстердин натыйжалуулугун жана сапат принциптерине берилгендигин ырастайт. Менеджмент системаларын сертификаттоо органы «CERT

«Туруктуу туризмди өнүктүрүү. Көмүртек изин кыскартуу» аттуу тегерек стол өттү

Бүгүн Ысык-Көл районунун Кара-Ой айылында КРнын Экономика жана коммерция министрлигинин орун басары Медербек Тумановдун төрагалыгы алдында жыл сайын өткөрүлүп келген «Жашыл экономика» форумунун алкагындагы «Туруктуу туризмди өнүктүрүү. Көмүртек изин кыскартуу» аттуу тегерек стол болуп өттү. Аталган министрликтин басма сөз кызматынын маалыматына ылайык, тегерек столдун негизги максаты — аймактарда туруктуу туризмди өнүктүрүү

Министрлер Кабинети энергетикалык натыйжалуулукту жогорулатуу боюнча чараларды киргизүүдө

КРнын Министрлер Кабинети энергетикалык натыйжалуулукту жогорулатуу жана электр энергиясын сарамжалдуу пайдалануу боюнча чараларды киргизүүдө. Бул чаралардын алкагында административдик мамлекеттик мекемелердин ички жана тышкы жарыктандыруусун жана электр приборлорун саат 18:00дөн 06:00гө чейин максатка ылайыктуу жөнгө салуу жөнүндө чечим кабыл алынды. Бул чаралар имараттардын технологиялык турмуш-тиричилиги үчүн өтө маанилүү болгон

АЧК-13 долбоору боюнча 4 081,22 млн сом жеңилдетилген кредит каржыланды

2025-жылдын 23-октябрына карата АЧК-13 долбоорунун алкагында республиканын 6 487 айылдык товар өндүрүүчүлөрүнө 4 081,22 млн. сом суммасына жеңилдетилген кредит берилген. Бул тууралуу КРнын Финансы министрлигинен маалымдашты. Берилген кредиттин ичинде: “Мал чарбачылык” тармагы боюнча 3 381,64 млн. сом суммасында 5 443 субъект; “Өсүмдүк өстүрүүчүлүк” тармагы боюнча 441,02 млн.