2023-жылы бажы төлөмдөрү 94.6 млрд сомду түзүшү керек. Келерки жылдын бюджетинин долбоорунда Финансы министрлиги ушундай божомолду берген.

Эске сала кетсек, быйылкы жылдын планы боюнча бажы кызматкерлери 98.4 млрд сом чогултушу керек эле, бирок жыйымдар болгону 52.9 млрд сомду түзгөн. Эми бажычылар жок дегенде 75 млрд сом чогултабыз деп аракеттенип жатышат, ал эми минкаб төрагасы Акылбек Жапаров аларды жапырт кызматтан айдайбыз деп коркутууда.

Акчанын ойдогудай түшпөй калышы – бюджетке жалпысынан 10 млрд сомдой каражат түшпөй калган – көбүнесе Украинадагы согушка жана Кыргызстандын негизги соода өнөктөшү болгон Россияга каршы киргизилген санкцияларга байланыштуу.

Кошумчалай кетсек, бюджеттин долбооруна ылайык, 2024-жылы бажы 117.3 млрд сом, 2025-жылы 136.6 млрд сом түшүрүшү керек.