Президенттин Иш башкармалыгы Бишкектин Гоголь көчөсүнө бизнес борборун курат. Бул тууралуу мамлекеттик-жеке өнөктөштүк (МЖӨ) алкагында долбоорду ишке ашыруу үчүн жеке өнөктөш издөө боюнча жарыядан белгилүү болду.

Президентинин Иш башкармалыгына караштуу «Мамлекеттик курулуштар департаменти» ишканасы тарабынан бизнес-өнөктөш издөө жарыяланган. Ишкана бардык кызыкдар тараптарды “Гоголь көчөсү, №94 дарегинде бизнес-борбор куруу” мамлекеттик-жеке өнөктөштүк долбоору боюнча сынакка катышууга чакырат.

Бардык кызыкдар компаниялар документтерин Инвестициялык агенттикке төмөнкү дарек боюнча тапшырса болот: Бишкек шаары, Раззакова көчөсү, 8/1.

Арыздар 20-декабрга чейин кабыл алынат. Сынактын бардык шарттары менен МЖӨ борборунун сайтынан таанышса болот.