«Майлуу-Суу лампа заводуна» 400 млн сом бюджеттик кредит берилди
Министрлер кабинети «Майлуу-Суу лампа заводу» ААКга 400 млн сом өлчөмүндө бюджеттик ссуда берди. Бул тууралуу Финансы министрлигинин басма сөз кызматы билдирди.
Ведомстводо белгилешкендей, бул карыз минкабдын заводго 1 млрд сомдук ири өлчөмдөгү кредит берүү боюнча чечиминин алкагында берилген. Финансы министрлиги бул долбоорду ишке ашырууга киришти.
Эске сала кетсек, 2021-жылдын декабрында компаниянын 100% акциясын Финминдин Финансы-кредиттик фонду дээрлик 180 млн сомго сатып алган. Быйыл жайында завод акционердик коом болуп кайра түзүлгөн.
