Январь айында Финансы министрлиги 1.6 млрд сом өлчөмүндөгү мамлекеттик казына облигацияларын жайгаштырмакчы. Аукциондун расписаниеси Кыргыз фондулук биржасынын сайтында жарыяланды.

Эртең 13-январда 5% кирешелүүлүгү менен 350 млн сомго 3 жылдык МКОнун аукциону өткөрүлөт. 20-январда жүгүртүү мөөнөтү 10 жыл болгон 800 млн сомдук МКО жайгаштырылышы күтүлүүдө. Кирешелүүлүгү 8% болот.

27-январда болсо жүгүртүү мөөнөтү беш жыл болгон 350 млн сомдук МКОну жайгаштыруу боюнча аукцион өткөрүлөт. Ошондой эле 120 млн сомдук векселдер да жайгаштырылып, баалуу кагаздардын мөөнөтү бир жыл болот.

Мамлекеттик казына облигациялары (МКО) – КРнын өкмөтүнүн пайыздык кирешеси (купону) жана жүгүртүү мөөнөтү 1 жылдан ашкан мамлекеттик узак мөөнөттүү баалуу кагаздары.

1 МКОнун номиналдык наркы жана чыгарылыш параметрлери МКОлорду чыгарган учурда эмитент тарабынан аныкталат. МКО документтерде чагылдыруу жана чагылдыруусуз түрдө чыгарылат.