Финмин 4 млрд сомдук депозит ачат – бардык комбанктар алса болот
Финансы министрлиги эркин бюджеттик каражаттарды пайдалануу менен коммерциялык банктарда депозит ачууну көздөп, ачык сынак жарыялады. Бул тууралуу аталган министрликтин маалымат кызматы билдирди.
Убактылуу бош турган бюджеттик каражаттардын көлөмү 4 млрд сомду түзүп, алар 2023-жылы 11 айга тогуз лотко бөлүнгөн.
Коммерциялык банктар сынакка катышуу үчүн 2023-жылдын 18-январында саат 18:00гө чейин арыз беришсе болот. Арыздар Эркиндик 58-а, Борбордук казыналыктын имараты, 4-кабат, болжолдоо сектору дареги боюнча кабыл алынат. Телефон: 62-59-19, 62-53-13 (3463).
