Банкка депозитке акчаны сом менен салган кирешелүүбү же доллар мененби?
“Учурда банктарга аманат (депозит) каражаттарын сом менен салган кирешелүүбү же доллар мененби?” деген темада калктын финансылык сабаттуулугун жогорулатуу боюнча долбоор “Финсабат” өзүнүн чакан материалын чыгарды.
Бүгүнкү күндө улуттук валютадагы (сом) депозиттер боюнча пайыздык чендердин өлчөмү чет өлкөлүк валютага караганда жогору.
Эгерде сиз кыргыз банктарына акчаңызды жылдык 1 жылга сом менен салсаңыз, анда мындай депозиттер боюнча пайыздар 10-16%ды түзөт, ал эми доллар менен пайыздык чен жылына 1.5-4%.
- Эгерде кардар депозитке 100 миң сом салса, анда киреше жылына орточо 10 – 16 миң сомго чейин болот.
- Эгерде кардар депозитке 1000 доллар салса, анда ал бир жылда 20 доллардан 40 долларга чейин киреше тапмак (бүгүнкү курс боюнча 87.2 – 3500 сомго чейин).
Тыянак: Ал эми доллардын курсу секирип кетпей, ошол эле абалында калганда, анда пайда мындан да аз болмок. Пайданын айырмасы 10-13 миң сом түзөт. Демек, сом менен депозиттер көбүрөөк пайда алып келет.
Белгилей кетсек, Кыргызстанда 200 миң сомго чейинки депозиттер корголот. Акчаны кайтаруу КРнын Депозиттерди коргоо боюнча агенттиги тарабынан кепилденет. 200 миң сомго чейинки суммага депозиттин өзү эле эмес, анын пайыздары да кирет. Депозиттерди коргоо агенттиги депозиттин суммасын, анын ичинде чегерилген пайыздарды 200 миң сом чегинде төлөөгө кепилдик берет.
