Улуттук банк: Акча алмаштыруучу жайларда жана банктарда доллар жетиштүү
Улуттук банк 2023-жылдын 14-15-январында мониторинг жүргүзүп, банктарда жана акча алмашуу бюролорунда накталай чет өлкө валютасы кардарларды эсептик-кассалык тейлөө үчүн жетиштүү деген жыйынтыкка келген. Бул тууралуу регулятор өзү маалымдады.
Улуттук банк валюта рыногундагы кырдаалга туруктуу негизде мониторинг жана талдоо жүргүзүп турарын белгиледи. Зарыл убакта, алмашуу курсунун кескин өзгөрүүсүн жөнгө салуу максатында, Улуттук банк тарабынан акча-кредит саясатынын тиешелүү инструменттери колдонулуп турат.
“Ошол эле учурда, талаптарды сактоо жана экинчилик рынокто валютаны сатуу менен алектенген адамдар тарабынан алып-сатарлык бүтүмдөргө жол бербөө максатында, нак чет өлкө валютасын сатуу суммасына ички лимит белгилениши мүмкүн”, – дейт регулятор.
- Эгерде акча алмаштыруучу жайларда же коммерциялык банктарда чет өлкө валютасы тактада көрсөтүлгөндөй эмес, башка курс менен сатылып же алынып жатса, анда Улуттук банктын коомдук кабылдамасына 0312 61-04-86 же WhatsApp каналына 0551 890000 кайрылсаңыз болот.
Кыргызстандан накталай чет өлкө валютасын алып чыгууга убактылуу тыюу салынат
Улуттук банк быйылкы жылы биринчи интервенциясын жүргүзүп, дароо 104 млн доллар сатты
Которулган акчанын комиссиясын жөнөтүүчү адам гана төлөйт — Улуттук банк
