Баткенде жаңы курулган 30 үй колдонууга берилди
Баткенде курулуп жаткан 30 үй колдонууга берилди, жалпы 45 үй толук бүткөрүлгөн. Бул тууралуу президенттик аппараттын маалымат кызматынын жетекчиси Дайырбек Орунбеков билдирди.
Маалыматта президенттин иш башкаруучусу Каныбек Туманбаев курулушу аяктан үйлөрдүн ээлерине президент Садыр Жапаровдун атынан 100 миң сомдон тапшырганы айтылат.
“Калган үйлөрдүн алды аяктоо алдында турат, бүтө электеринин 80-90% жумуштары аткарылган. Турак жайлардын жумуштарын мартта толук бүткөрүп, ээлерине өткөрүү тапшырмасы коюлду. Алдыңкы 10 күн ичинде дагы 30га жакын үйдүн курулушу аягына чыгат”, – деп айтылат билдирүүдө.
