Энергосистема керектөөлөргө туруштук бере албай жатат - маал-маалы менен свет өчөт
Электр тармактар ишканалары мүмкүн болгон кыска мөөнөттүү өчүрүүлөр тууралуу абоненттерге маалымат берет. Бул тууралуу “Кыргызстандын улуттук электр тармагы” ААКтын маалымат кызматы кабарлады.
Мекеме катуу сууктан улам электр энергиясын керектөө бир кыйла жогорулаганын айтат.
“Буга байланыштуу электр жабдууларга күч келүүдө. Учурда өлкө аймагында жабдууларды сактап калуу максатында жана алардын зыян тартуусун алдын алуу үчүн электр керектөө кубаттуулугун азайтуу иш чаралары көрүлүүдө.
Буга чейин кайсы аймакта, кайсы убакта керектөө көп болорун айтуу мүмкүн эмес болчу. Акыркы бир нече күндөгү ашыкча жүктөмдөр менен байланышкан өчүрүүлөрдү талдап чыккандан кийин, мүмкүн болгон кыска мөөнөттүү өчүрүүлөр күтүлүп жатканын аныктоого болот. Буга байланыштуу аймактык Электр тармактар ишканалары мүмкүн болгон кыска мөөнөттүү өчүрүүлөр тууралуу абоненттерди маалымдайт“, – деп билдиришти ишканадан.
«Кыргызстан улуттук электр тармагы» ААК керектөөчүлөрдү бир убакта бир нече тиричилик техникасын күйгүзбөөгө жана электр энергиясына аяр мамиле кылууга чакырат.
2022-жылы Кыргызстан электр энергиясын 2.5 эсеге көп импорттоду
